Komið og farið

Á mánudaginn kom dótið sem sent var frá Íslandi. Þórarinn var búinn að vera voða spenntur að sjá dótið sitt og það urðu fagnaðarfundir þegar Jack Sparrow og sjóræningjaskipið voru tekin upp. Anna Rut og Tóta komu hingað til að taka við sínu dóti. Anna og Húni eru reyndar ekki búin að fá húsið sitt og fá að geyma kassana í bílskúrnum okkar þangað til.

Rúnar er því miður ekki heima en hann er í Austin Texas í nokkra daga á ráðstefnu. Kemur í dag.

Þriðjudagurinn fór í að taka upp úr kössunum og raða í allar tómu hillurnar. Nú eru þær frekar fullar. Í gær fórum við Þórarinn svo í Discover Mills mollið með stelpunum (Þóru, Önnu Rut, Tótu og Arndísi) og öllum litlu krökkunum (Eygló Þóru, Hafþóri og Emilíu, Herði Val og Svölni). Þetta varð svaka hópferð og ágætistími.

Athugasemdir

[Þóra Sigurborg Guðmannsdóttir, 22.9.2008 kl. 12:49]

Hæ, hæ!

María þú varst klukkuð! Þú getur kíkt á bloggið mitt til að sjá hvað þú átt að gera hehe.

Kær kveðja Þóra :0)