Foreldraheimt

Nú eru pabbi og mamma komin. Ég fór niður í bæ í gærkvöldi og náði í þau á Greyhoundrútustöðina. Ég þurfti auðvitað að villast aðeins á leiðinni (þrátt fyrir GPS tækið) enda er ég ekki mikið á ferðinni í þessum hluta borgarinnar. Svo var alls konar dúbíus lið á leiðinni frá bílastæðinu og að stöðinni og á leiðinni til baka með dótið fóru menn að tala við okkur og einn fylgdi okkur alveg að bílnum. Mér leist nú ekkert á það, var mest hrædd um að einhver væri að ræna úr bílnum mínum á meðan eða einhver ætlaði að nappa veskjunum okkar... en það gerðist nú ekki (var kannski aðeins of tortryggin). Við villtumst svo aftur á leiðinni til baka en það var nú bara út af því að á tveimur stöðum voru lokaðar götur. Við vorum svo komin heim klukkan tólf og kjöftuðum til tvö (um pólitík og praktísk atriði). Þau höfðu haft það mjög gott í Flórída; farið í Seaworld, Hús á hvolfi, risakringlu, skoðað bæinn í strætó og bílaleigubíl, borðað perúskan og indverskan mat og bandarískan hótelmorgunmat. Bara rosa fínt.

Svo erum við að fara á eftir í grill á CCP og morgun á íslendingamót.

Athugasemdir

[Björg Árnadóttir, 8.3.2009 kl. 13:19]

Gott að heyra að þau eru komin og að allt hefur gengið vel. Bið að heilsa karli og kerlu!

[Bergdís Rósantsdóttir, 11.3.2009 kl. 22:23]

Gaman að heyra að mamma þín og pabbi hafi drifið sig í heimsókn til ykkar.  Alltaf gott að hafa ættingjana hjá sér.