Veikindin á útleið og foreldrarnir á innleið

Þá eru pabbi og mamma í Flórída og koma til mín með Greyhound bus á morgun. Þau flugu til Orlando á mánudaginn og ætla að vera þar í þrjár nætur. Það er nóg að skoða og skemmta sér við þar en verður líka gaman að fá þau hingað.

Annars eru strákarnir báðir búnir að vera lasnir núna, voru með streptókokka. Ásþór fór í dag í skólann en Þórarinn fer á morgun í fyrsta skipti síðan fyrir helgi. Reyndar var frí í öllum skólum á svæðinu og bara stóru svæði á mánudaginn vegna þess að það var snjór. Fyrir okkur íslendingana var þetta nú ekki mikill snjór en hann lá í þrjá daga sem er nú mjög mikið á þessum stað. Georgíubúar kunna auðvitað heldur ekkert að haga sér í hálku eða snjó. Malbikið er miklu sléttara en heima (og auðvitað engin nagladekk).

Svo er ég að verða búin að þýða nýja spilið okkar yfir á íslensku. Við skrifuðum það á ensku þar sem við erum að vonast til að geta fundið útgefanda hér. Nú erum við komin með samning við fyrirtæki á Íslandi sem ætlar að sjá um myndir og uppsetningu. Það er frábært. Rekur líka á eftir okkur að klára alveg.

Jæja, best að fara að hita mat handa liðinu, (þau þurfa auðvitað að BORÐA).

 

 

Athugasemdir

[Björg Árnadóttir, 5.3.2009 kl. 12:47]

Gott að strákarnir eru að hressast. Var einmitt að leita mér að upplýsingum um hvort þau væru komin til ykkar. Vonum að allt gangi vel hjá þeim.

[Bergdís Rósantsdóttir, 11.3.2009 kl. 22:22]

Flott að heyra að strákarnir séu að hressast og gaman að heyra að það gangi vel með spilið.